MASHABIKI WA JOHN LISU WANAMUHITAJI SOLLY MAHLANGU.

 Mwimbaji mahiri wa muziki wa Injili kutoka Afrika Kusini Solly Mahlangu ‘Obrigado’  anapigiwa debe kwa kiasi kikubwa kusindikiza uzinduzi wa albamu ya Uko Hapa-The Sound of Worship ya John Lissu.

Uzinduzi wa albamu hiyo unatarajiwa kufanyika Oktoba 5 mwaka huu, kwenye ukumbi wa Diamond Jubilee, Dar es Salaam, ambapo

waimbaji mbalimbali watakuwepo.

Akizungumza na gazeti hili, Lissu alisema amekuwa akipokea maombi kutoka kwa mashabiki mbalimbali wakimuomba afanye kila njia kuhakikisha Mahlangu anakuwepo kwenye uzinduzi huo.

 Msama alipokua akiongea na vyombo vya habari kuhusu Tamasha la John Lisu.

“Maandalizi ya uzinduzi yanenda vizuri, naamini mashabiki wangu watafurahi sana, wamekuwa wakinipigia simu kuomba wasanii wengi, lakini Mahlangu anaomba sana ahudhurie uzinduzi wangu, ” alisema Lissu.

Mahlangu ni muimbaji ambaye anashika kasi katika anga ya muziki wa Injili Afrika ambaye pia anamudu kuimba Kiswahili kizuri kwa  baadhi ya nyimbo zake.

Mbali ya kuwa maarufu katika nyimbo za Iinjili nchini mwake, pia ni Mchungaji  ambaye ana uwezo wa kufanikisha muziki wa Injili na kanisa lake ambalo ni Word Praise Christian Centre Intenational lililoko Tembisa.

Albamu ya Lissu ambaye ana sifa ya kupiga muziki wa live ina nyimbo 18 zilizogawanywa katika maeneo mawili, ambazo ni Wakusifiwa, Wastahili Sifa, Mataifa ya Kujua, Inuka, Uko Hapa, Nijaze, Nitaongozwa, Wastahili Bwana, Roho Mtakatifu, Mtakatifu na Umeinuliwa.

Nyingine ni Yu Hai Jehova, Atikisa, Nijaze, Upendo, Mataifa Yakujue, Umejawa na Ukuu, Fungua Macho, Haleluya na Mungu Ibariki.

Chanzo cha habari-Dira