MAKUTANO YA TAI na JAMES KALEKWA.

 Ongoza kimkakati

Kisa mkasa (Scenario) #2. Mchezo wa mpira wa miguu bila magoli.

 Kama wewe ni mpenzi, mshabiki au mfuatiliaji wa mchezo wa mpira wa miguu basi uanelewa fika juu ya muundo wa viwanja vya mchezo huo… Moja ya vitu muhimu sana kwenye ujenzi wa kiwanja ni milingoti minne mikubwa isimamayo pande mbili tofauti (zinazokabiliana) za uwanja. Bila shaka umekwisha baini ya kwamba ninazungumza kuhusu magoli.

Hebu fikiri, mchezo wa mpira wa miguu pasipo magoli uwanjani… Je, inawezekana kuwa na mchezo huo? Hata ule mpira wa “mchangani” huwa na magoli, hata kama ni ya mawe au vijiti… Hauwezi kuwa mpira wa miguu bila magoli. Hebu jiulize wachezaji wangekuwa wanakimbiakimbia uwanjani, wanapiga chenga, wanapeana pasi, wanakaba/wanazuia mashambulizi… ili iweje sasa??? Kuna umuhimu gani wa kuwa na mchezo wa mpira wa miguu pasipo magoli? Lengo kuu la mpira wa miguu ni magoli. Ukiyatoa malengo hayo, umeondoa maana, umeondoa thamani iambatanayo na mchezo huo.

Kabla hatujachukua hatua kubwa sana katika kujifunza haya, ninaomba tujenge uelewa wa pamoja juu ya maswala kadhaa ambayo yana uhusiano wa moja kwa moja na maswala mazima ya malengo.

·         Kusudi – ni sababu kuu ya kuwepo kwako. Hii hujibu swali la “Kwanini ninaishi?” Kwanini kanisa hili lipo? (kanisa kama taasisi kubwa na pia kama kanisa la mahala husika) mfano: Ninaishi ili kuudhihirisha utukufu wa Mungu kwenye kizazi changu; Kanisa la “Fulani” lipo ili kuinua kizazi chenye kuleta athari kwenye nyanja zote za kimaisha kwa msingi wa neno la Mungu.

·         Maono – ni taswira/picha kubwa uionayo juu ya mwisho wa maisha yako, huduma, idara, kitengo na/au kanisa lako. Ni mkusanyiko wa mwisho wa maisha yako. Hii hujibu swali la “ninakwenda/tunakwenda wapi?” Ni muhimu ukumbuke sa utunze hii ya kwamba maono si ubunifu wa mtu bali ni uvuvio wa kimungu ndani mwanadamu. Kama huna uhakika, basi usijaribu kubuni maono! mfano: … Kumtukuza Mungu kwa kufanya ugunduzi, uvumbuzi na utatuzi chanya wa mahitaji ya kizazi changu.

·         Dhamira – ni namna gani utafanya ili kuyafikia maono hayo kivitendo. Hii hujibu swali la “Namna gani nitatekeleza/tutatekeleza?” Mfano: … Kufungua taasisi ya utafiti wa uwezo wa mwanadamu na uelimishaji wa vijana.

N.B Unaweza kuwa na dhamira zaidi ya moja… Hakuna ukomo ilimradi tu dhamira zinafanikisha ufikiaji wa maono yako.

Ni wajibu wako kama kiongozi kufikiri na kuchambua namna mbalimbali za kuyaweka maono hayo katika utendaji!

·         Malengo/Mipango – ni kuweka namna/njia za kivitendo na zinazopimika ili kufanikisha dhamira yako/zako Mfano: … Kufanya usajili wa taasisi yangu ifikapo March 28 ili kuanza utendaji rasmi.

·            Mkakati – ni mchanganuo wa hatua kwa hatua na uratibu wa rasilimali ili kufanikisha malengo yako. Hii hujibu maswali mengi “Nifanye nini, nifanye wapi, wakati gani, muhusika ni nani?...” Mfano: …